يالله يـاجـال الأمــور المـهـمـه
تجلى وهق قلب بـرى حـال راعيـه
البـر دجتـه والبحـر رحـت يـمّـه
أدرج سبب حـظ علـى الله مساعيـه
يوم إن ولد اللاش رزقـه علـى أمـه
رزقي على اللي ميّـت القشـع يحييـه
مانـي وانـا بنـدر ببـيـاع دمــه
يقطعـك يـا بيّـاع دمّـه و مهفـيـه
الـلـي يبـيّـع لابـسـات الأزمــه
ثور(ن) يبي بيـض العماهيـج تغنيـه
يزعل ليـا جـت ليلـة الـدول يمّـه
يرضى بسـوق المـال بأخيـه وأبيـه
خطـو البخيـل اللـي يكبّـر معـمـه
يقـرا الكتـاب وواجـب الله مخلـيـه
أمـا هـرج لـه فـي رفيقـه بنـمّـه
والا عطـى وأمـه تضيّـع هقـاويـه
يامـل قلـب كــل مـامـات هـمّـه
دارت دواليـب الدهـر ليـن تحيـيـه
فـرّاق شمـل النـاس عيّـا يلـمـه
وقت(ن) يشيب الراس من شاية(ن) فيه
أحـد(ن) ينـام وحـط راسـه بكمـه
وأحد(ن) تخم النـوم عينـه وتخطيـه
و أحدن يحاول بالـردى بنـت عمـه
وأحد(ن) يحاول ستر عـذرا عوانيـه
تخالـف الأنظـار شـرق(ن) ويـمّـه
كل(ن) هدف رايه من الناس مرضيـه
أنشـدك ياللـي كـل شـي(ن) تتمـه
تقرا الكتاب وكـل فـرض(ن) تصليـه
ويـش القليـب اللـي عميـق مجمّـه
ماسر غرسه مـاه عطشـى سوانيـه
سم السبب يا عارف(ن) عنـه سمـه
سم السبب يـا عارفـه قبـل اسميـه
الشاعر بندر بن سرور رحمة الله
.gif "مدير عام")
/size]
